GARAPENA – gobernantza – TRANSMISIOA
Proiektuak
LARRETIK
Erakundearen sozializazioa eta barne antolaketa prozesua.
2024-2025
2024 eta 2025 artean Larretikekin lan egin genuen. Larretik ekoizleek eta Pirinioetako 1. sektorearekin lotutako pertsonek sortutako elkartea da, 1. sektorea bultzatzeko eta tokian tokiko ekoizpena eta Pirinioetako km 0 kontsumoa sustatzeko helburuarekin. Guk elkartea sektore eta lurralde mailan sozializatzen eta aurkezten (2024) eta barne antolaketa prozesu bat osatzen (2025) lagundu genuen. Bigarren honetan, elkarteari Jarduketa Plana, plangintza estrategikoa eta funtzionamendurako barne araudiak eratzen lagundu genien.
Proiektu honetan laguntza juridikoan ARANKOA Zerbitzuakekin lan egin genuen.
AEZKOA. LURRA, ONDAREA ETA HISTORIA.
Aezkoako Herri-lurra balioan jartzea, transmititzea eta ezagutzea.
2024
2024ko udan, Aezkoako Batzar Nagusiak bultzatutako proiektu bat gauzatu genuen, herri-lurrak balioan jartzeko eta transmititzeko helburuarekin. Proiektu honetan, hainbat transektu edo deriba egin ziren lurraldean zehar. Irteera horiek tokiko adituen laguntzarekin egin ziren eta herritarrei zuzenduta zeuden. Osotara hiru transketu egin ziren, non bakoitzak ikuspegi ezberdin bat izan zuen. Lehendabizikoa, mendien gobernantzara eta berreskuratzera bideratu zen; bigarrena, turismora eta herri-lurren erabilera ludikora; eta hirugarrena, 1. sektorera eta herri-lurren abeltzaintzako erabilpenera.
ERROIBAR
Tokiko partaidetza Estrategia.
2025
2025ean, Erroibarren Tokiko partaidetza Estrategia sortzeko prozesua egin genuen. Prozesuan haraneko teknikariekin, herritarrekin eta politikarekin lan egin genuen, ibarraren garapenerako lehen fasean ezarritako ardatz estrategikoen baitan. Diagnosia eta proiektua landu ziren, eta, prozesuaren emaitza gisa, hamar urterako bailara garatzeko Jarduketa Plana egin zen.
Proiektu honetan ikusizko komunikazioarekin AIDOUAk lagundu zigun.
2022an antzeko prozesu bat egin genuen Aezkoan eta 2023an Longida Ibarrean.
NAFARROAKO ENPLEGU ZERBITZUA ETA CENIFER
Energia Komunitateei buruzko Formakuntza.
2024 -2026
Azken urteotan, Nafarroako Enplegu Zerbitzuak eta CENIFERek sustatutako energia komunitateak sortzeko eta dinamizatzeko formakuntzaren urteroko edizioak egiten ari gara.
Prestakuntzak energia komunitateak sortzeko eta abian jartzeko beharrezkoak diren gaiei buruzko edukiak biltzen ditu, hala nola: komunitate-ikuspegia, herritarren parte-hartzea, lurralde-dimentsioa, esparru juridikoa eta legegilea, energia berriztagarriak, merkatu elektrikoa, autokontsumo kolektiboa, negozio-plana, finantzaketa, etab.
Formakuntza hauek ARANKOA Zerbitzuakekin, KISARekin eta ARTEANekin batera egiten ditugu.
UDALBILTZA
Mugaz gaindiko 2. mailako Energia Komunitate baten sorkuntza eta abiaraztea.
2024-2026
2024az geroztik Udalbiltzak abiatutako Euskal Herriko Energia Komunitateei zuzendutako prozesu batean lanean ari gara, 2. mailako forma juridiko bat sortzeko helburuarekin, aipatutako EKei estaldura ematea eta proiektu kolektiboak sortzea ahalbidetuko duena. Aukeratutako forma juridikoa Mugaz gaindiko Kooperatiba bat da, aldi berean Energia Komunitatea izanen dena. 2026an zehar, berau eratzeko eta martxan jartzeko lan eginen dugu.
Proiektu honetan arlo juridikoan ARANKOA Zerbitzuakekin ari gara lanean.
CEDERNA GARALUR
Landa Adimena; irakasten eta laguntzen duten.
Cederna Garalurrek 2024an abiatutako proiektua, landa adimena balioan jarriko zuten prozesuak eratzeko helburuarekin. Proiektu honetan Zangoza eskualdeko gazteekin lan egin genuen; gazte hauek lurraldearekiko nortasun kolektiboak identifikatu eta garatu zitzaten. Proiektua amaitzeko egindako lanetik sortutako irudi edo “marka” sorta bat egin zen.
Proiektua honetan ikusizko komunikazioa AIDOUAren laguntzarekin garatu genuen.
GARESKO UDALA
Garesko haurren jolastokia birdiseinatzea.
2025
2025eko udaberrian eta udan, Garesko herritarrekin batera lan egin genuen Udalak bultzatutako proiektu baten bitartez. San Pedro parkea birgaitu behar zen eta kontuan hartuta, Garesko perke historikoa dela eta herritarrek harekin lotura handia dutela, parkearen diseinu berria modu parte-hartzailean egiteko prozesua sortzea erabaki genuen. Parkeari lotutako hainbat biztanle sektorerekin egin zen lan: herriko txikiak, laguntzaile helduak, gazteak eta, oro har, herritarrak. Proiektuaren emaitza Memoria Tekniko Baloratu bat izan zen, herritarren parte-hartzearen emaitzetatik abiatu zena.
Kasu honetan, hirigintza arloan Ana Huarte Gaztelu arkitektoarekin lan egin genuen, eta ikusizko komunikazioan AIDOUArekin.
BURLATAKO UDALA
Nogalera 25 Proiektua
2024
2024an zehar Burlatako Udalak bultzatutako NOGALERA 25 proiektuan lan egin genuen. Epe motzera garatu beharreko jarduera batzuek osatu zuten proiektua, Burlatan klima aldaketak sortzen dituen ibai arazoak xehetasunez ezagutzea batetik; eta bestetik, herritik igarotzean Arga ibaiaren funtzionamendu hidraulikoa optimizatzeko beharrari erantzuteko, eredu seguruago eta ingurumenarekiko orekatuago baterako aldaketa ahalbidetzea. Bigarren honek, egungo babesak (mota) birkokatzea eskatzen du.
ARTELANen herritarrak informatzeko eta sentsibilizatzeko lanari laguntzen diogu.
Kasu honetan, ingurumen jasangarritasun arloan TRILUMAKekin batera lan egin genuen.
AURIZKO UDALA
Aurizko herritar gazteei gobernantza eta praktika kolektiboak transmititzea
2022
2022an, Aurizko Udalak, herriaren gobernantza eta kolektibitateari dagokionez belaunaldien arteko transmisio faltagatik kezkatuta, herriko gazteei zuzendutako proiektu bat bultzatzea erabaki zuen, non gazteria herriko bizitza publikoan eta politikoan inplikatzeko lan egin genuen. Horretarako, Herritarren Parte-hartze eta Garapen Komunitarioaren metodologiaren bitartez, hiru arlotan lan egin genuen:
Auritzen tradizionalki eman diren antolaketa-kolektibo formak gazteei transmititzea.
Udalaren eta gazteen artean lan moduak eta koordinazioa osatzea.
Aurizko gazteek herriarekiko dituzten beharretatik eta proposamenetatik abiatutako Ekintza Plana idaztea.
Sektoreak
Proiektuen zerrenda
Gizarte hirigintza eta espazio publikoen kudeaketa
Hirigintza eta espazio publikoen kudeaketa gobernantza birpentsatzeko eta komunitateen beharrei erantzuteko aukera gisa ulertzen dugu. Horregatik, erakundeekin eta herritarrekin lankidetzan egindako prozesuak egiten ditugu.
Landa garapena, lehen sektorea eta tokiko produktuak.
Tokiko garapena eta, bereziki, landa garapena dira ARTELANen eragiletako eta izateko arrazoietako bat. Hainbat prozesu mota bultzatzen eta laguntzen ditugu, betiere komunitate garapenaren ikuspegitik, eta komunitateetan eta lurraldeetan dauden egitura, eragile eta sektoreetatik abiatuta eraiki nahian.
Jasangarritasuna eta ingurumena
Iraunkortasunari eta ingurumena zaintzeari buruzko partaidetza prozesuak eta dinamizazio- eta sentsibilizazio-proiektuak tokiko edo eskualdeko proiektuetan.
Gazteria eta bestelako biztanleria taldeak
Gazteekin egiten diren prozesuak, gazteen denboretatik, kezketatik eta ahalmenetatik abiatuta. Prozesu horietan, gainera, komunitatearen eta helduen jakintzak uztartzen ditugu eta, hala, belaunaldien arteko transmisioan eragiten dugu.
Gobernantza tradizionala, praktika kolektiboak eta ondare immateriala
ARTELANen sektore nagusia da, gure lana eta egiten duguna ulertzeko dugun modua inspiratu, elikatu eta egiten duguna zeharka ulertzea ahalbidetzen baitu.
Bestelakoak
Askotariko sektore eta esparruetan egiten dugu lan, betiere garapen komunitarioa oinarri hartuta eta hainbat tresna aplikatuta, hala nola herritarren parte-hartzea edo ikerketa soziala.
Trantsizio energetikoa
Gure sektore garrantzitsuenetako bat da, bereziki, prozesu parte-hartzaileen bitartez Energia Komunitate komunitarioak sortzeagatik. Hauek, ezagutzak, egiteko moduak, baliabide naturalen kudeaketa tradizionala eta gobernantza propioa oinarri hartuta garatzen diren Energia Komunitateak dira, denbora joan ahala iraunkorrak izatea ahalbidetuz.